Edlira Copa, gruaja shqiptare që vrau me thike tre vajzat e saj, në Itali, po merr fryme në liri, edhe pse pjesërisht. Kështu shkruajnë sot mediat italiane, teksa informojnë se gruaja shqiptare që në mars të vitit 2014 goditi me thikë tre bijat e saj, në shtëpinë e tyre në Corso Bergamo, ka përfunduar rehabilitimin në spitalin psikiatrik dhe që prej 1 qershorit është në gjysmë lirinë, në një strukturë të mbrojtur në Lecco.
Kanë kaluar pak më shumë se pesë vjet që nga mbrëmja, në mes të 8 dhe 9 marsit 2014, kur në një moment çmendurie Edlira vrau me thike vajzat e saj, Simonën trembëdhjetë vjeç, Keisi, tetë dhe Sidny, vetëm tre vjeçe dhe pastaj tentoi të hidhej nga shkallët, por e shpëtoi një polic që ndërhyri në moment.
Gruaja është tashmë dyzet e dy vjeçare, ka rezultuar e paaftë për të dëshmuar për gjithë sa ndodhi, ndaj edhe nuk u dënua për vrasjen e trefishtë.
“Vajzat e mia të vogla janë zhdukur”, “Ku janë ato, A jam unë në Shqipëri? ». “Jo, i kam vrarë ato.” Këto ishin fjalët e para të shprehura nga Edlira, pas ngjarjes së tmerrshme, teksa një fqinj i shkoi në derë mëngjesin e asaj dite.
“Ishte një masakër gjaku, si në një film horror. Kishte veshur një këmishë dhe ajo kishte një njollë të madhe gjaku para. Duart i kishte të përgjakura”, ka thënë aso kohe fqinja e shqiptares Nadia Valsecchi.
Në kushte të rënda psikologjike e pyetur në Departamentin e Rehabilitimit të Spitalit Lecco, Edlira kishte thënë se “në Itali ka mafioze. Unë e bëra atë për të parandaluar që vajzat e mia të përfundonin keq”.
Ajo ishte ndarë nga bashkëshorti i saj, Bashkim Dobrushi dhe për këtë arsye kishte frikë se vajzat e saj mund të vuanin për shkak të vështirësive ekonomike.