Protestoi kundër Edi Ramës, shoqërohet në polici kreu i degës së PD-së Sarandë, Hariz Mema.
Sikundër raportohet Memës i është bërë e ditur se do të ndiqet penalisht në gjendje të lidhur për organizimin e tubimeve të paligjshme.
Protesta për të cilën Mema do të ndiqet penalisht u zhvillua të shtunën, ditë kur kryeministri Edi Rama, zhvillonte takimin e rradhës në jug, duke prezantuar kandidatin për kryebashkiak të Sarandës.
Protesta e opozitës u zhvillua shumë pranë vendit ku Rama mbajti takimin e tij, ndërsa në gadishmëri ishin dhjetra efektivë të FNSH-së.
