Kryeministri Edi Rama, njëherësh edhe kryetar i PS-së, ka mbledhur sot kryesinë e kësaj partie për të diskutuar mbi 30 qershorin.
Pas mbledhjes së Kryesisë ku edhe ka shpërndarë udhëzimet mbi atë çfarë duhet të bëjnë socialistët, Rama, i shoqëruar edhe nga Taulant Balla, janë takuar me kandidatin e PS-së për bashkinë e Shkodrës, Valdrin Pjetri. Mësohet se në takim është edhe deputeti Tom Doshi.
Takimi me kandidatin e Shkodrës duket se ka lidhje me procesin në 30 qershor, edhe pse me një dekret të Kreut të Shtetit, i botuar në Fletoren Zyrtare, zgjedhjet në këtë datë janë anulluar.
Burimet shprehet se takimet do të vijojnë me të gjithë kandidatët që janë në listë në bashkitë që sot drejtohen nga përfaqësues të opozitës.
Në total në 23 njësi të qeverisjes vendore kryebashkiakët i përkasin opozitës, PD, LSI dhe PDIU. Pasditen e sotme Edi Rama do të jetë në Durrës në takimin përmbyllës të asaj që e quan fushata për zgjedhjet e 30 qershorit.
