Gjykata e Tiranës dha masën e sigurisë burg me afat për 4 nga personat e arrestuar lidhur me trazirat në KZAZ në Vorë.
Për Altin Picarin, Leonard Hajdarin dhe Ylli Hajdarin, punonjës pranë Bashkisë Vorë, gjykata vendosi masën e sigurimit personal 20 ditë burg, nërsa prokuroria kërkoi burg pa afat.
Ata akuzohen për veprat penale: “Dëmtimi me dashje i materialeve zgjedhore” kryer në bashkëpunim, “Shpërdorimi i detyrës” dhe “Kundërshtimi të Punonjësit të Policisë”.
Dhjetëra persona të tjerë janë proceduar penalisht lidhur me ngjarjen në KZAZ e Vorës, ku si në disa KZAZ të tjera të vendit, më 19 qershor pati përplasje mes forcave të policisë dhe punonjësve të bashkisë e qytetarëve nga ana tjetër. Këta të fundit kërkuan zbatimin e urdhrit të Presidentit që rrëzoi 30 qershorin si datën e zgjedhjeve lokale dhe largimin e materialeve zgjedhore nga KZAZ. Ndërkohë, policia, në mbrojtje të KQZ-së që nuk njeh dekretin e Presidentit është përplasur me protestuesit.
Po sot, Gjykata e Shkodrës dha masën për të arrestuarit lidhur me të trazirat në qytetin verior në KZAZ nr 3.
