Kur kanë mbetur vetëm 8 ditë nga 30 qershori socialistët vijojnë fushatën e ngjeshur elektorale në krah të Erion Velisë kandidat për një mandat të dytë për kryetar bashkie të Tiranës.
Ndërkohë presidenti Ilir Meta ka anuluar me dekret datën 30 qershor për mbajtjen e zgjedhjeve vendore, opozita vijon protestat duke deklaruar se zgjedhje pa opozitën nuk ka dhe gazeta gjermane BILD ka publikuar përgjimet të të tjera telefonike të realizuara nga Prokuroria shqiptare nga Dosja 184/2016, lidhur me zgjedhjet vendore në Dibër, ku dëgjohen politikanë socialistë dhe ish-ministra të qeverisë Rama, që diskutojnë për rezultate maksimale të votimeve.
Sot në Petrelë në krah të Erjon Velisë ishin dhe deputetët Xhemal Qefalia dhe Blerina Gjylameti.
E deputeti Qefalia e mbylli fjalimin e tij ku sulmoi presidentin Ilir Meta dhe kryetarin e PD-së Lulzim Basha me një lapsus. I bëri thirrje socialistëve të votojnë nr 30. Në fakt në fletën e votimit Erjon Veliaj është nr 2 ndërsa 30 është caktuar si datë zgjedhjesh
“Mjaft më me shkatërrime. Mjaft më thoni s’ka shkolla dhe digjni shkolla, mjaft më që thoni s’ka rrugë dhe prishni pllakat e rrugëve. Mjaft më kur thoni s’ka institucione dhe godasin institucionet. Të mblidhemi këtu nga lugina e Erzenit dhe të brohorasim fort për PS, për numrin 30 për kryetarin tonë të famshëm, kapiten e skuadrës së PS-së Erion Veliaj” tha Qefalia.
