Astrit Kapaj, një 42 vjeçar shqiptar, është dënuar me 14 vjet burg, me akuzën e grabitjes.
Ai kishte kryer vjedhje të shumta në lagjet e të pasurve në jugperëndim të Londrës. Gjykata e Kingston vendosi që 42 vjeçari shqiptar, babai i dy fëmijëve, të burgoset për 14 vite.
Shqiptari ka pranuar 22 vjedhje, duke marrë së paku 500 mijë paund të ardhura, megjithëse shuma besohet të jetë më e madhe.
Mes grabitjeve që do të realizonte ishte edhe banesa e legjendës gjermane Boris Becker dhe ish-futbollistin e Premier League Nicolas Anelka.
Pronari i dyqanit “peshkut dhe patateve” u përpoq të hynte në shtëpinë e familjes Becker prej 5.5 milionë paund – të cilën ai e ndau me gruan e tij Lilly dhe të birin Amadeus – në tetor 2013.
Zonja Becker, u detyrua të qëndronte në hotelet pranë zonës dhe të merrte roje sigurie gjatë natës për të ruajtur shtëpinë e saj.
Kapaj ishte kapur jashtë pronës së yllit të tenisit nga kamerat e sigurisë, i veshur me kapelën e tij të stilit të peshkatarit, duke i rënë në anën e pasme të shtëpisë ndërsa mbulonte gojën me dorë.
Kapaj jetonte në Altrincham, Greater Manchester, me gruan dhe fëmijët, ndërsa udhëtonte rreth 500 milje për në Londër për të kryer grabitjet e tij.
