Rrugët e kryeqytetit janë mbushur me parrulla që ironizojnë kryeministrin Edi Rama, pas publikimit të përgjimeve, pjesë e dosjes 339 dhe 184, nga gazeta gjermane Bild.
Voto 184, voto 339, voto bablokun, voto Avdylajt, janë disa nga parrullat që janë shkruar nga qytetarët në vende të ndryshme të kryeqytetit.
Babloku quhej Edi Rama në përgjimet e publikuara nga Bild, pjesë e dosjes 184.
Gjatë ditëve të fundit “Bild” ka publikuar 22 përgjime, pjesë e dosjes 339 dhe 184, ku tregohet skema e manipulimit të zgjedhjeve në qarqet Durrës dhe Dibër.
Përmes përgjimeve, zbardhen bisedat e kupolës drejtuese të Rilindjes, drejtuesve të policisë dhe institucioneve, me individë me precedent kriminalë, të angazhuar për zgjedhjet.
Fotot e mëposhtme tregojnë ironinë që qytetarët tregojnë ndaj kryeministrit, i cili i vetëm po shkon drejt 30 qershorit, datës që Presidenti Ilir Meta ka anulluar zgjedhjet.
