Një foshnje 1 muajshe pati probleme të rënda shëndetësore si rezultat i gazit helmues të hedhur nga policia, gjatë pasdites së djeshme në Shkodër, ku qytetarët protestuan kundër kryeministrit Edi Rama.
Foshnja 1 muajshe ndodhej në shtëpi, bashkë me prindërit dhe të afërm të tjerë, por sasia e gazit të hedhur nga policia ka qenë me intensitet të lartë dhe ka depërtuar në banesat pranë.
Si rezultat mjaft qytetarë, edhe pse nuk ishin pjesë e protestave, kanë vuajtur pasojat e gazit.
Mes të dëmtuarve ishte edhe një foshnje vetëm 1 muajshe, e cila është dërguar me urgjencë drejt spitalit të Shkodrës, ku ka marrë ndihmë mjekësore.
Sipas një denoncimi të bërë nga daja i foshnjes, gazi i ka bllokuar frymëmarrjen dhe ka krijuar probleme të rënda shëndetësore.
Denoncuesi ngre pyetjen se ccfarë do të bëhet më 30 qershor dhe ccfarë duhet të bëjnë qytetarët për të shpëtuar jetën?
