Ashtu siç ishte parashikuar, duke filluar që ditën e sotme, zyrtarët e parë policorë të Policisë së Kosovës do të udhëtojnë për në Shqipëri.
Kështu, gjatë sezonit të verës do të bëhet organizimi i shërbimeve të përbashkëta të policimit rrugor në Shqipëri.
Në një njoftim për media, bëhet e ditur se kjo erdhi pas nënshkrimit të një memorandumi të bashkëpunimit mes Policisë së Kosovës së asaj të Shqipërisë, ndërsa shërbimet e përbashkëta do të fillojnë nga sot, 1 korrik deri më 31 gusht, transmeton Koha.net.
Qëllimi i këtij memorandumi, siç të kumtesa , është vendosja e bashkëpunimit konkret në fushën e parandalimit të kundërvajtjeve administrative, për rritjen e efikasitetit të luftës ndaj humbjes së jetëve njerëzore në aksidentet rrugore dhe zbatimin me rigorozitet të legjislacionit rrugor, për krijimin e një ambienti më të sigurt për të gjithë qytetarët dhe përdoruesit e rrugës që qarkullojnë në akset rrugore që lidhin dy vendet.
