Edi Rama ka pohuar gjatë takimit elektoral në Shkodër se aleati i tij strategjik në këtë qytet është Tom Doshi, deputeti i PSD-së, që e përjashtoi nga PS-ja pas përplasjes që ky i fundit pati me Ilir Metën, pak vite më parë.
Ajo që ka rënë në sy gjatë takimit ishte fakti se disa herë të pranishmit kanë thirrur emrin e Bushatit dhe Doshit, ndërsa kanë munguar thirrjet për Ramën.
Rama tha se Tom Doshi dhe socialdemokratët janë një aleat strategjik i joni në këtë qytet, duke pasur parasysh faktin se deputeti fitoi në 2017 një mandat deputeti.
Në vijim kryeministri, duke u ndalur te përgjimet e publikuara nga Bild, tha se ato muhabete duhej të ishin hetuar, duhej të shikoheshin a kishte apo jo prova, dhe jot ë botoheshin në zemër të Europës, për t’i shërbyer atyre që nuk i intereson fare Shqipëria, por nuk e duan zgjerimin e BE-së.
“Nuk është rastësi që përgjimet publikohen 1 ditë para protestave, lajmërohen njëherë nga SHQUP, dhe pastaj botohen në Gjermani. Ata kujtojnë se shqiptarët janë dele që të besojnë se përgjimet janë zbuluar nga gjermanët”, tha Rama.
