Kryeministri Edi Rama ka shkuar në Shkodër për të prezantuar kandidatin e Rilindjes, Valdrin Pjetri, si në gjendje lufte.
Fotot dhe videot tregojnë me qindra forca policore që janë angazhuar për të mbrojtur kryeministrin, ndërsa kundër mijëra banorëve të Shkodrës është përdorur dhunë, gaz helmues dhe sprajt neuroparalizues.
Të paktën 15 qytetarë raportohet se kanë kërkuar ndihmën mjekësore si pasojë e komplikacioneve të shkaktuara nga gazi helmues, ndërsa FNSH ka ngritur barrikada te pedonalja e qytetit për t’i siguruar Edi Ramës mbajtjen e takimit.
Pothuajse në çdo takim që po zhvillon, Rama po shoqërohet nga qindra forca policore që i paraprijnë vizitave të kryeministrit, ndërsa kudo që shkon ai po përballet me protestat e qytetarëve “Rama ik”.
