Kryetarja e Bashkisë së Shkodrës, Volta Ademi nuk lejon mitingun e PS-së në qytetin verior, që ishte planifikuar më vonë gjatë ditës së sotme në qytetin verior.
Në një shkresë zyrtare dërguar komisariatit të Policisë së Shkodrës që mban firmën e Ademit, kryebashkjakja shprehet se vendimi vjen në zbatimim të dekretit të Presidentit Ilir Meta, që rrëzoi 30 qershorin si datën e zgjedhjeve lokale.
“Ne pergjigje te shkreses suaj me numer 465/2 Prot. Date 19.06.2019 me lende Njoftim per zhvillimin e aktivitetit protokolluar me tonen nr. 10506 Prot. Date 19.06.2019 ju sqarojme si me poshte vijon: Ne zbatim te Dekretit te Presidentit te Republikes se Shqiperise, Nr. 11199, date 10.06.2019 “Per shfuqizimin e Dekretit nr. 10298, date 05.11.2018 te Presidentit te Republikes “Per caktimin e dates se zgjedhjeve per organet e qeverisjes vendore”, duke anuluar daten 30 qershor 2019 ,si Cdo aktivitet politik elektoral qe mund te zhvillohet ne sheshet publike te hapura ne qytetin e Shkodres, konsiderohet i paligjshem dhe per rrjedhoje Bashkia Shkoder nuk miraton leje per asnje subjekt politik”, thuhet në përgjigjen që Ademi i kthen policisë, pasi është njoftuar për aktivitetin elektoral të PS-së në Shkodër, ku i pranishëm u raportua se do ishte edhe kryeministri Edi Rama.
