Në kohën kur BILD publikoi dhjetë përgjime të reja, kryeministri Edi Rama ishte i ftuar tek emisioni “Përballë”.
Ndonëse nuk kishte dijeni për daljen e këtyre përgjimeve, të cilat i priste gjatë ditës së nesërme, Rama i pyetur nga gazetari i ka cilësuar ato thjeshtë biseda telefonike dhe që nuk kanë asnjë peshë.
Kryeministri i ka quajtur përgjimet në përgjithësi, “një lojë të rrezikshme”, që nuk mund të shërbejnë si prova.
“Është shumë e rrezikshme loja e përgjimeve, mund të kthejnë komplet vemendjen e të vërtetën, duke u nisur nga biseda që dëgjohet në to. Muhabetet e telefonit mund të jenë një bazë për të shkuar te prova, por mund të jenë edhe jashtë konteksti. Psh. unë nganjëherë them “Po Po vlla”, kur një gjë nuk.Pra, janë gjëra që duhen futur në rrugën e ligjit e të diskutohen vetëm në bazë të ligjit.” deklaroi Rama.
