Ish-deputeti Gent Strazimiri ka reaguar ndaj ambasadorit të OSBE-së në Tiranë, Bernd Borchardt, i cili ka dënuar dhunën ndaj KZAZ-ve, ndërsa ka kërkuar përballjen me ligjin të atyre që ushtrojnë dhunë dhe inicuesve të saj.
Borchardt nuk thotë asnjë fjalë lidhur me dekretin e Presidentit Ilir Meta që ka anulluar mbajtjen e zgjedhjeve më 30 qershor, vendim ky që ka marrë formë zyrtare dhe duhet zbatuar, pasi është botuar edhe në Fletoren Zyrtare.
Nisur nga kjo, Strazimiri shkruan në rrjet se “botimet në Fletoren Zyrtare përcaktojnë kornizën e shtetit ligjor”.
Reagimi i Strazimirit
Zur sofortigen Veröffentlichung!!
(Për shpërndarje të menjëherëshme)
Kjo është faqja zyrtare e Fletores Zyrtare Federale të Republikës Federale të Gjermanisë, ajo që përcakton se si “duhet të zhvillohen proceset politike, administrative në përputhje me parimet e shtetit ligjor”!
Në të shpjegohet edhe “roli vendimtar i Fletores Zyrtare Federale në lojën e përbashkët demokratike në Gjermani”, përmes botimit me transparencë të Ligjeve të reja apo të ndryshuara, si dhe akteve të tjera urdhëruese!
SQARIM (për ata që nuk e dinë):
Në Gjermani, botimet në Fletoren Zyrtare përcaktojnë kornizën e shtetit ligjor!
PO ASHTU EDHE NË SHQIPËRI!
