Policia e Lezhës ka bërë arrestimin e Tonin Gjinit, autorit të dyshuar të vrasjes së Gjin Markut, ndodhur sot rreth orës 07:30 në Lezhë.
Policia e Lezhës njoftoi se: menjëherë pas marrjes së njoftimit vijoi kontrollet e pandërprera për lokalizimin dhe kapjen e autorit ku falë edhe bashkëpunimit me familjarët e autorit të dyshuar, në këto momente është bërë arrestimi i shtetasit T. N., 50 vjeç, banues në Lezhë, si autor i dyshuar i vrasjes së 65 vjeçarit pas një konflikti për motive të dobëta. Gjithashtu u sekuestrua arma tip ‘Kallashnikov’, me të cilën dyshohet se ka kryer krimin”.
“Materialet iu referuan Prokurorisë pranë Gjykatës së Shkallës së Pare Lezhë për veprime të mëtejshme hetimore, për veprat penale ‘Vrasje me paramendim’ dhe ‘Mbajtja pa leje e armëve dhe municioneve luftarake’, parashikuar nga nenet 78 dhe 278/1 të Kodit Penal”, shtuan të njëjtat burime.
Shkak për këtë vrasje dyshohet se është bërë një konflikt për motive pronësie mes viktimës, Gjin Marku dhe autorit T.N., i cili raportohet se ishte “mik shtëpie’ me viktimën. Siç dallohet edhe nga fotot (shiko më poshtë), Gjin Marku është vrarë në një arë, aty ku është konfliktuar me autorin.
