Djali 6 vjeçar i plagosur mbrëmjen e djeshme në Dibër vazhdon të jetë nën kujdes intensiv nga mjekët. Kirurgët thonë se ka plagë ne fytyrë, gjoks, kofshë dhe në krahun e djathtë. Gjendja e tij është e qëndrueshme dhe vijon me ekzaminimet e metejshme.
Ngjarja e rëndë ka ndodhur në orët e para të mëngjesit në zonën e Martaneshit në Dibër. Një djalë 6 vjeç është plagosur me automatik në Krastë pas sherrit të babait të tij me një 27-vjeçar. Ngjarja ka ndodhur pas një sherri mes Koxherrit dhe babait të djalit në qytezën e Krastës.
Koxheri ka shkuar me automatik në banesën e babait të djalit të plagosur duke qëlluar me automatik e dyshohet se aksidentalisht ka plagosur vogëlushin 6-vjeçar, i cili ka marrë tre plumba në fytyrë. Pak pas ngjarjes së rëndë, policia ka arrestuar autorin e ngjarjes dhe ka sekuestruar armën e krimit, një kallashnikov. I mituri pasi ka marrë ndihmën e parë në Spitalin e Dibrës është transportuar në Spitalin e Traumës në Tiranë.
