Pas Shkodrës dhe Tropojës duket se konfliktet për lirimin e qendrave të KZAZ-ve kanë prekur edhe qytete të tjera, në qender të vendit. Tensionet kanë nisur që në orët e para të mëngjesit në qytetin e Kavajës, ku dhjetra simpatizantë të PD kanë protestuar për lirimin e qëndrave të KAZA pranë shkollës ‘Tre Dëhsnmorët’.
Kërkesa e tyre ka rënë në kundërshtim me vendimin e policisë duke sjellë edhe përplasjet e para. Deri më tani nuk ka pasur probleme serioze por gjendja është ende e tensionuar, duke rrezikuar edhe një shpërthim konflikti fizik.
Nënkryetari i Bashkisë së Kavajës, Hysen Kadiu, i ka dhënë ultimatum policisë që deri në orën 16:00 të lirojë ambientet e KZAZ-ve.
“Ju lëmë afat deri në orën 16:00. Nëse i mbroni dot, hallall ju qoftë”, ka thënë ai.
Theksojmë se një ditë më parë pati tensione në Shkodër dhe Tropojë. Në KZAZ nr. 2 në Shkodër dhe në KZAZ nr 9 në Tropojë, mbështetësit e PD u përplasën me policinë. Simpatizantët e PD-së i vunë zjarrin një shkolle të kthyer në KZAZ.
