Në një lidhje direkte në emisionin “Open” të Eni Vasilit, kryebashkiakja e Shkodrës, Voltana Ademi tha se nuk është djegur shkolla “Shejnaze Juka”, siç është raportuar në media. Janë djegur vetëm kartonat e vendvotimeve – tha ajo.
“Materialet zgjedhore janë në mënyrë të paligjshme në mjediset e shkollës, që administrohen nga Bashkia e Shkodrës. Bashkia ka kërkuar zyrtarisht prej tre ditësh që godinat ku janë vendosur KZAZ-të dhe janë në pronësi të saj, duhet të lirohen“.
Voltana Ademi tha se kjo është një kërkesë kushtetuese, në mbrojtje të Kushtetutës dhe në zbatim të dekretit të Presidentit, që ka shfuqizuar datën 30 qershor.
