Kryetarja e LSI-së Monika Kryemadhi ka reaguar ashpër pas vendimit të BE-së për të mos çelur negociatat.
Ajo shprehet se tashmë ka vetëm një rrugë dhe ajo është largimi i Edi Ramës. I bënë thirrje të gjithë qytetarëve që të dalin në shesh në 21 qershor me qëllim largimin e Ramës njëherë e përgjithmonë nga skena politike.
Statusi i polotë
Shpresat për çeljen e negociatave me Shqipërinë u shuan edhe këtë qershor! Bashkimi Europian dha sinjalin më të fortë se perspektiva europiane me Edi Ramën dhe qeverinë e tij është e pamundur.
Largimi i Ramës dhe çlirimi i sistemit nga diktatura e krimit, është e vetmja rrugë për Shqipërinë dhe shqiptarët! Ne jemi të vendosur në kauzën tonë, për themelin e demokracisë, për zgjedhje të lira dhe tëndershme. Jemi të vendosur në anën e drejtë të historisë në luftën pa kompromis me krimin e organizuar dhe krijimin e një Shqipërie me mundësi të barabarta dhe liri ekonomike, që shqiptarët ta ndërtojnë jetën këtu, në shtëpinë e tyre!
Sot është koha për një bashkim kombëtar! Të gjithë bashkë në 21 Qershor për Shqipërinë si gjithë Europa.
Asnjë hap pas!
