Klement Zguri, kryetar i KQZ-së, ka reaguar sot lidhur me deklarata zyrtare të këtij institucioni, që kërcënoi me burg kryebashkiakët e opozitës, të cilët njohin dekretin e Presidentit Ilir Meta për anullimin e zgjedhjeve më 30 qershor.
Zguri sqaroi se qëndrimi i mbajtur sot nuk është qëndrimi i Komisionit, por vetëm i 4 prej anëtarëve të saj.
“Deklarata është qëndrim i katër anëtarëve të Komisionit, është qëndrim vetëm i anëtarëve, jo qëndrimi im”, tha Zguri.
Zguri është anëtari i vetëm në KQZ që përfaqëson opozitën dhe që ka mbështetur dekretin e Presidentit Ilir Meta për anullimin e zgjedhjeve.
