Kryeministri Edi Rama paralajmëroi dje dërgimin në gjykatë të gazetarit gjerman Peter Tiede, i cili ka publikuar 22 përgjime, pjesë të dosjeve 339 dhe 184, ku hidhet dritë mbi manipulimin e zgjedhjeve përmes blerjes apo presionit ndaj qytetarëve në të paktën dy qarqe, Durrës dhe Dibër.
Në përgjimet e publikuara nga BILD, shfaqet edhe kryeministri Edi Rama që komunikon me Arben Keshin, ndërsa e gjithë biseda lidhet me masat e marra për garantimin e rezultatit zgjedhor dhe përmbushjen e objektivit që i është vendosur Keshit.
E ndërkohë që Rama dhe drejtues të tjerë të Rilindjes i janë kundërvënë gazetarit gjerman, duket se ai ka fituar mbështetjen dhe simpatinë e shqiptarëve, veçanërisht atyre në diasporë.
Tiede cilësohet si hero, ndërsa qindra qytetarë në gjuhë të ndryshme e falenderojnë për atë se çfarë ka bërë.
