Ylli Manjani ka reaguar ndaj paralajmërimeve të Edi Ramës se do të hedhë në gjyq gazetën Bild dhe gazetarin që ka publikuar përgjimet mbi shit-blerjen e votave në zgjedhjet e fundit.
“Hedhja në gjyq e BILD është qershia mbi tortë. Do ta provojë tek “drejtësia e vërtetë gjermane””, shkruan Manjani në një postim në rrjet.
Postimi i Ylli Manjanit
Sa më shumë reagon aq më thellë zhytet.
1. Vijon të konfirmojë vërtetësinë e përgjimeve, sepse vijon të merret me sekretin.
2. Megjithatë Arben Keshi u bë shef policie në Bulqizë pasi kreu me sukses masakrën zgjedhore post Shukri. Pra e promovuan…
3. “Do ta bëj prap” – thotë udhëheqësi. Pikërisht ky është problemi, që Ai e bën prap të njëjtën masakër zgjedhore.
Do kërcënojë mësuesit, do përdorë policinë, do blejë një votë 5000 lekë, do çojë furgona me “çunat me probleme”….
4. Hedhja në gjyq e BILD është qershia mbi tortë. Do ta provojë tek “drejtësia e vërtetë gjermane”. Hahahahahahahahhahaah…
Ta provojë! Shumë mirë do bëjë! Ta kuptojë se ç’është drejtësia.
Atje për shumë më pak sesa ka bërë ky në vendin e vet, drejtësia të hedh hekurat.
Të shkojë iher, ta provojë…
Tashmë do ta vizitojë Berlinin, jo si Kryeministër por si palë që ndjehet i shpifur…
