Burime nga Prokuroria bëjnë me dije se prokurorët që po hetojnë çështjen e lobimit të PD në SHBA kanë firmosur urdhër-arrestin për kreun e opozitës, Lulzim Basha.
Vendimi vjen pas refuzimit që Basha bëri sot për t’u paraqitur në organin e Prokurorisë dhe për t’u njohur me akuzës. Në një përgjigje zyrtare drejtuar prokurorisë për thirrjen e Lulzim Bashës, PD jep argumente se në kërkesën e prokurorisë kishte shkelje ligjore që lidhen me paraqitjen e fakteve për marrjen të pandehur të Lulzim Bashës.
Po sot, Partia Demokratike paralajmëroi se me urdhër të Edi Ramës, prokurorëve të çështjes po u bëhej presion për të firmosur urdhri e arrestit. Mesa duket, prokurorët kanë vendosur të miratojnë një urdhër-arrest të diskutueshëm duke i hedhur dhe më shumë benzinë zjarrit.
Vet marrja i pandehur i Lulzim Bashës, pak ditë më parë, ngriti dyshime për kohën kur u bë. Hetimi ndaj tij ka më shumë se 1 vit që ka nisur dhe prokuroria zgjodhi kulmin e krizës politike për të ndërmarrë hapa penalizuese ndaj kreut të selisë blu.
Lëshimi i fletë-arrestit pritet të shkaktojë dhe më shumë tensione në situatën politike duke arritur deri në përplasje.
Sepse sado që prokuroria të thotë se po zbaton ligjin është e pabesueshme që një institucion i tillë vihet në lëvizje vetëm pasi flet Ulsi Manja dhe Taulant Balla për hetim dhe arrestim të Lulzim Bashës. /Koha Jonë/
