Një gomone me 170 kilogramë hashash është kapur rreth 20 milje nga brigjet e Brindizit.
Policia italiane është lajmëruar nga një helikopter gjerman. Menjëherë skafistët shqiptarë kanë hedhur drogën në det dhe ikën drejt brigjeve shqiptare. Ata janë arrestuar nga policia lokale. Ata janë Hermal Hameti dhe Elidon Beluli, të dy nga Vlora. Mediat italiane, duke iu referuar policisë bëjnë me dije se po hetohet nga të dy palët si për shqiptarë të tjerë të përfshirë në rrjetin e dërgimit nga Shqipëria, ashtu edhe për italianët që mendohet se do prisnin mallin.
Gomonia u diktua nga një helikopter gjerman i angazhuar në operacionet e Bashkimit Europian, gjatë një misioni patrullimi në Adriatik.
Nga helikopteri është zbuluar se në mjetin lundrues kishte pako të mbështjella.
Ngjashmëria me ambalazhimin e drogës ka bërë që të njoftohet policia italiane.
Njoftohet se janë lajmëruar autoritetet shqiptare dhe gomonia është lokalizuar, ndërsa policia italiane nisi hetimet se kush ishin pritësit e drogës në brigjet italiane.
