Luan Mema, marinari shqiptarë që u mor peng së bashku me kapitenin e tij, Dhimitër Malja ka folur për rrëmbimin e tij dhe anijes “Celepia 2” nga egjiptiani Adel Salam.
Ky i fundit u arrestua por ende nuk dihet fati i kapitenit i cili nuk ishte brenda anijes që u gjet nga marina egjiptiane në portin e Aleksandrisë në Egjipt.
Marinara Luan Mema në rrëfimin e tij nuk ka asnjë të dhënë për fatin e kapitenit të peshkarexhës, Dhimitër Malja.
I riu Luan Mema ka dhënë dëshminë e tij para autoriteteve vendase. Ai tha se egjiptiani u kishte hedhur ilaç në ushqim dhe se kur është zgjuar e ka parë veten të lidhur. Ai tha se kur është përmendur nuk e ka parë kapitenin Dhimitër Malja. Nuk dihet ende çfarë ka thënë në polici Adel Mohamed Salam, por familjarët e kapitenit durrsak janë të shqetësuar për fatin e tij.
Mësohet Luan Mema ka mbetur pa para dhe nuk po siguron dot biletën për tu kthyer në Shqipëri.
2 javë më parë marinari egjiptian Adel Salam, mori peng anijen “Celepia 2” ku në bord ishin marinarët shqiptare, Dhimiter Malja, dhe Luan Mema. Egjiptiani pretendonte se pronari i peshakrexhës i kishte një borxh prej 70 mije eurosh, gjë që mohohet nga pronarët e anijes.
