Policia e Shtetit njoftoi sot për 4 viktima të shkaktuara si pasojë e aksidentit tragjik në rrethrrotullimin pranë TEG në aksin Elbasan-Tiranë.
Por në një njoftim të fundit nga spitali, mësohet se Xhuljana Bibaj, 26 vjeçe, ka mbërritur në spital në vdekje klinike, çka do të thotë se nuk ka ndërruar jetë, por ndodhet në gjendje të rëndë shëndetësore.
Viktima të aksidentit janë Bardhok Bibaj, 62 vjeç, Valentina Bibaj 54 vjeçe dhe Florida Bibaj, 22 vjeçe.
Ndërsa drejtuesi i mjetit Arlintin Alia, 32 vjeç nga Puka, ndodhet në spital në gjendje të rëndë për jetën.
Burime spitalore bëjnë të ditur se 26 vjeçarja është transportuar drejt spitalit në vdekje klinike, ndërkohë që në deklaratën e parë zyrtare, policia njoftonte për 4 viktima, përfshi këtu edhe 26 vjeçaren.
Njoftimi i parë i policisë:
Në aksin rrugor Elbasan-Tiranë, në afërsi të TEG-ut, mjeti me drejtues shtetasin A. A ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes kanë ndërruar jetë pasagjerët V. B, B. B, F., B, Xh. B , ndërsa drejtuesi i mjetit A. A ndodhet në SQU nën kujdesin mjeksor
Grupi hetimor vijon punën për zbardhjen e rrethanave dhe shkakut të aksidentit.
Njoftimi i dytë i policisë
Për shkak të konfuzionit të krijuar nga vetë natyra e aksidentit dhe pasojat që solli, edhe informacioni ka qenë jo i saktë.
Ne njoftimin paraprak është raportuar se kanë ndërruar jetë katër persona, por njëra prej vajzave ndodhur në gjendje kritike për jetën, pasi kur është raportuar se ndërroi jetë kishte kaluar në vdekje klinike.
Drejtues mjeti Arlintin Alia, 32 vjeç nga Puka, në gjendje të rëndë për jetën
Bardhok Bibaj. 62 vjeç. Mirditë, ka ndërruar jetë
Valentina Bibaj 54 vjeçe Mirditë, ka ndërruar jetë
Florida Bibaj e bija 22 vjece, ka ndërruar jetë
Xh. Bibaj e bija, 26 vjeçe, është në gjendje kritike për jetën.
U njoftua nga spitali se ndërroi jetë, por ka kaluar në vdekje klinike dhe tashmë ndodhet në gjendje kritike për jetën në Spitalin Ushtarak.