Një aksident me pasojë plagosjen e rëndë të një kalimtari ka ndodhur në rrugën Korçë-Boboshticë. Një mjet tip “Benz” ka përplasur një shtetas rreth 60 vjeç, këmbësor në rrugë dhe më pas ka braktisur mjetin duke u larguar nga vendngjarja.
Sipas të dhënave të para të policisë person i aksidentuar ende nuk është identifikuar, por ajo që thuhet është se pas marrjes së mjekimit të parë në spitalin rajonal të Korçës është nisur drejt Tiranës për të marrë ndihmë më të specializuar.
Gjendja e tij shëndetësore ende është e rëndë.
Grupi hetimor po punon për identifikimin dhe kapjen e autorit, si dhe për sqarimin e rrethanave të ngjarjes.
