Pas arrestimit të Ardian Çapjat gjatë mëngjesit të sotëm, nga operacioni i zhvilluar në Elbasan ka përfunduar në pranga edhe Florenc Çapja. Ai dyshohet si i përfshirë në një vrasje dhe është vënë në pranga nga forca të shumta policie. Florenc Çapja është një emër i njohur për drejtësinë, pasi ka qënë i akuzuar dhe i dënuar për disa atentate dhe ngjarje kriminale në Elbasan.
Florenc Çapja është një prej personave që dyshohet se ka qëlluar me armë zjarri në drejtim të forcave të posaçme të policisë të cilët kanë qenë duke kryer veprime operacionale dhe proçeduriale në Lagjen “Emin Matraxhiu”, në qershor të 2016-së. Gjithashtu atij i janë bërë disa atentate, por që ka shpëtuar.
Pritet që policia të konfirmoi zyrtarisht arrestimin e Florenc Çapja.
