Kujtim Gjuzi prej kohësh tërheq vëmendjen e mediave pasi mori mandatin e deputetit. Në fillim me orën atlantik, pastaj me celularin, më vonë me qepjen e kostumeve dhe pantallonave.
Së fundmi Gjuzi, bashkë me 3 apo 4 deputetë të “opozitës së re” ka konsumuar një kafe me Taulant Ballën.
Pas kafes me Ballën, deputetët kanë bashkuar votat me Rilindjen, ndërsa ishin dakordësuar për të abstenuar.
Por Gjuzi në një postim në rrjet ka sqaruar se kafen me Ballën e ka pirë në bazë të së drejtës zakonore.
“Edhe me hasmin ulem nëse më vjen në tryezë, jo më të refuzoja Taulant Ballën. Ai është kundërshtari im politik, por jo armiku im”, shkruan Gjuzi.
