Dhjetori i vitit të kaluar ishte më i zhurmshmi që nga dhjetori i vitit 1990, i cili përkon edhe me rënien e komunizmit, madje u quajt edhe si dhjetori i dytë pasi studentët risollën shpresën që ky vend mund të bëhet .
Dhe kishin një arsye të fortë për këtë, studentët u ngritën në protestë për një arsim më cilësor, dhe kjo shkaktoi një kaos të madh në qeveri, ku si pasojë kryeministri Rama shkarkoi mbi 70% të ministrave.
Në thelb protesta kishte 8 pika, ku edhe u premtua nga kryeministri, Edi Rama se do të plotësoheshin, por ende nuk është bërë asgjë dhe kanë mbetur vetëm premtime. Një ndër pikat ishte edhe karta e studentit me të cilën po abuzohet shumë.
Kryetari i Bashkisë Tiranë, Erion Veliaj, ka filluar propagandën e tij duke e quajtur kartën e studentit si një histori suksesi, por në të vërtetë ajo kartë vetëm për studentët nuk është pasi nuk shërben për asgjë. Një grup studentësh vendosën sot të protestojnë përpara Bashkisë, ku kërkojnë të marrin përfitimet nga kjo kartë dhe mos të përdoret vetëm për propogandë.
Intervista e studentes Oneda Skënderi
Duke qenë se në ligjin e arsimit të lartë parashikohet që kartat e studentit mund ti nxjerrë kryetari i Bashkisë ose qeveria ose vetë universitetet. Erion Veliaj ishte ai që e mori përsipër këtë gjë dhe ai e ka kompetencën për nxjerrjen e kartave.
Gazetarja Joana Skënderi: Ai ka thënë që i kam pajisur studentët me karta.
Studentja: Është e vërtetë që në çdo fakultet janë hapur sportele ku studentët tashmë mund të marrin kartën e tyre të studentit. Por, kur u bënë publike shërbimet që përfitojmë nga ajo kartë të gjithë e pamë që ato shërbime nuk mbulojnë as nevojat minimale të studentëve.
Janë mbuluar vetëm disa përfitime kulturore për sa i përket galerive të ndryshme dhe vetëm një kinemaje dhe disa muze të cilat që në këtë moment janë falas për të gjithë, por aty janë përfshirë sikur janë me zbritje për studentët.
Këto zbritje janë qesharake duke nisur nga 50 lekë apo 100 lekë. Prandaj ne sot menduam që të protestonim dhe të tregonim që kjo gjë që ka bërë Erion Veliaj dhe bashkia është thjeshtë një mashtrim pasi në të vërtetë studentët nuk përfitojnë asgjë nga këto karta.
Duhet të ishte e nevojshme që nga karta e studentit të përfitonim të gjitha shërbimet shëndetësore falas të përfitonim të gjitha libraritë falas, të përfitonim më shumë ulje nëpër menza më shumë ulje nëpër spitale dhe asnjëra nga këto shërbime nuk është realizuar. Prandaj ne duam që ti tregojmë të gjithë publikut të gjerë duke dalë këtu si një grup studentësh që në fakt përfaqësojmë gjithë studentët e tjerë që nuk janë sot këtu për arsye nga më të ndryshmet që ajo kartë nuk plotëson kërkesën tonë që kishim ne në dhjetor për kartën e studentit dhe protesta do të vijojnë edhe për vitin tjetër akademik në rast se nuk do të rriten përfitimet nga ajo kartë pasi deri më tani përfitimet janë qesharake.
Domethënë përfitime në Bunkart apo në galeri apo nëpër kinema ndërkohë që duhet të kishim zbritje nëpër libra shkollorë të cilët në çdo fakultet janë nga 50 mijë lekë dhe duhet të kishte ulje për të gjitha pajisjet teknologjike për gjithë kancelaritë, pra për gjërat që me të vërtetë i duhen një studenti dhe jo përfitime në kompani veshjesh që janë të lidhura me kryetarin e bashkisë, janë qesharake.
Gazetarja: Mendoni që është protesta e fundit që ju do organizoni për këtë vit duke u rikthyer vitin tjetër?
Për këtë vit akademik, kjo është protesta e fundit duke qenë se çdo fakultet ka nisur ose do të nis sezonin akademik, prandaj ne nuk mund që ta ri përsërisim protestën për këtë vit duke u nisur edhe nga situate politike në vend dhe studentët nuk parapëlqejnë të dalin sepse do të merrej sikur ishte një protestë politike apo partiake, ndërkohë që nuk është sepse kjo ka lidhje me kërkesat e studentëve dhe jo me kërkesat që ka një popull ndaj një qeverie.
Intervista e plotë:
https://www.youtube.com/watch?v=jNfY-qvKleU&feature=youtu.be
