Nga Lushnja ku është duke bërë fushatë elektorale, sot kur edhe PS feston ditën e saj të veçantë, kryeministri Edi Rama nuk ka bërë gjë tjetër, veçse ka folur për presidentin dhe vendimin e marrë prej tij, për anulimin e datës së zgjedhjeve vendore të 30 qershorit.
Rama tha se Meta kërkon të bllokojë reformën në drejtësi pasi prej saj do të shpëtojë veten dhe një grusht politikanësh të tjerë.
Ai tha se përpjekja e Metës për të penguar zgjedhjet lokale është e qëllimshme edhe për të penguar hapjen e negociatave, sepse dy kapitujt e parë për t’u negociuar janë ato që lidhen me drejtësinë.
Rama nuk dha asnjë shenjë tërheqje nga 30 qershori edhe pse kreu i shtetit e ka rrëzuar këtë datë.
