Prej më shumë se 4 muajsh “Rama ik” është thirrja që artikulohet më shumë nga opozita dhe mbështetësit e saj.
Prej 16 shkurtit, ditë kur opozita dhe qytetarët nisën protestat masive dhe intensive kundër Edi Ramës, të cilit i kërkojnë të dorëhiqet si kryeministër, në çdo protestë gjen pankarta, bluza, çadra, tullumbace, me mbishkrimin “Rama ik”.
Madje banderola me këtë mbishkrim është shpalosur edhe në ndeshjen Shqipëri-Moldavi që po luhet në Elbasan Arena.
Banderola, e vendosur me flamurin kombëtar, është shpalosur në pjesën e dytë, ndërsa është dashur ndërhyrja e rojeve të sigurisë për t’a hequr.
