Ish-ministri i Drejtësisë, Ylli Manjani, ka reaguar menjëherë pas konferencës së presidentit Ilir Meta para gazetarëve.
Në postimin e tij, Manjani shkruan, se presidenti nuk artikuloi sot asgjë të re nga ato që pati thënë edhe më parë. Manjani thekson se nuk duhet humbur asnjë minutë kohë me deklarata boshe dhe ripërsëritje të gjërave, por duhet avancuar në zgjidhjen e krizës politike.
Ndërkohë Manjani shkruan se Meta po kontribuon debatin monist.
Ja postimi i Manjanit:
Presidenti i Republikës nuk mund të harxhojë më kohë me deklarata për shtyp që përsërisin atë që ka thënë e bërë më parë.
As të shuajë kuriozitete pa interes të momentit.
Që dje, sot po e po, prisja që Ai të njoftonte agjendën e takimeve politike me partitë kryesore në vend për caktimin e datës së re të zgjedhjeve. Idealisht edhe të zgjedhjeve parlamentare.
Debati PS (parlament monist)- President vetëm sa çon unë në mullirin e monizmit.
Kjo nuk mund të jetë një betejë ndërmjet Ramës dhe Metës, por një betejë për të garantuar demokracinë dhe shtetin!
Nuk ka asnjë minut kohë për të humbur me disktutime shterpë. Duhet të fillojë dialogu.
Aty duket se kush është për dialog e kush jo.
Boll me teatër pa skenar!
