Presidenti Ilir Meta ka dalë në një konferencë të jashtëzakonshme këtë të martë. Kreu i shtetit mohoi akuzat se dekreti për shtyrjen e datës së zgjedhjeve i shërben opozitës.
I pyetur nga gazetarët nëse është konsultuar me ish-kryeministrit Berisha apo kryeopozitarin Basha, Meta tha se Basha e ka marrë vesh për vendimin para protestës së të shtunës, në rrugë zyrtare.
Meta thumboi edhe Patozin, i cili tha se vendimi i tij i shërben opozitës. “Nëse kjo i shërben opozitës, i shërben pikërisht kësaj partie për tu përgatitur për zgjedhje dhe për të pasur kandidatë”, tha.
“Zoti Basha, këtë vendim e ka marrë vesh vetëm në orën 7 e 10 apo 7 e 15 për dijeninë tuaj, se ka ditur, e kamësuar përmes sekretarisë telefonike ku i është kërkuar që të ndërpritet mitingu duke i bërë të ditur dhe faktin që do bëhet publik vendimi, dekreti për zgjedhjet në mënyrë që të ç’tensionohej sa më shumë manifestimi”, u shpreh ai.