Ish-raportuesi për Shqipërinë në Parlamentin Europian, Knut Fleckenstein komentoi nga aktiviteti me temë “Shqipëria dhe perspektiva e saj europiane”, të organizuar në Bruksel vendimin e presidentit Ilir Meta për të anuluar dekretin e tij për zgjedhjet e 30 qershorit.
Fleckenstein tha se kjo është një çështje që duhet marrë seriozisht. Qëndrim ky ndryshe nga ai i kryeministrit Edi Rama, i cili e quajti dekretin anti-kushtetues.
“Kam lexuar që Presidenti është i shqetësuar për situatën dhe se ajo mund të dalë jashtë kontrollit. Ne duhet ta marrim këtë seriozisht edhe pse ne nuk na takon që të ndërhyjmë në politikën e brendshme të Shqipërisë”, tha Fleckenstein.
Presidenti Ilir Meta ka paralajmëruar konferencë të jashtëzakonshme në orën 16:00. Lëvizja vjen pasi PS e quajtur dekretin antikushtetues dhe nisi procedurat për shkarkimin e Metës si President, edhe pse mungesa e Gjykatës Kushtetuese nuk e lejon shkarkimin.
Pasi vendimi shkoi në KQZ, komisioni nuk e mori parasysh dhe katër anëtarët e PS-së votuan çështjet e rendit të ditës që binin ndesh me dekretin e Metës.
Kryetari i opozitës Lulzim Basha, në një konferencë për mediat një ditë më parë, u shpreh se nuk do të zhvillohen zgjedhje më 30 qershor dhe Presidenti Meta nuk do ta shkarkohet nga parlamenti.
