Ish-ministri i Drejtësisë, Ylli Manjani ka reaguar pas deklaratave të PS-së, e cila tha se do të nisë proceduarat për shkarkimin e presidentit Meta, pasi ky i fundit, firmosi sot para mediave zhdekretimin e datës së zgjedhjeve të 30 qershorit, me qëllim që palët të reflektojnë në gjetjen e gjuhës së dialogut dhe tejkalimin e menjëhershëm të krizës.
Ai shprehet me një status në “Facebook” se në qeveritë e kaluara, të gjithë presidentët janë sulmuar nga qeveria por nuk është kërkuar asnjëherë shkarkimin i tyre.
Ish-ministri Ylli Manjani shprehet se kreun e shtetit po përpiqen ta shkarkojnë vetëm pse kërkoi të shmangte një përplasje vëllavrasëse mes shqiptarësh.
Postimi i Manjanit:
“Presidentët e mëparshëm thuajse të gjithë nuk ishin të preferuarit e qeverisë, por kjo e fundit asnjëherë nuk tentoi ti shkarkonte. Kam parasysh që qeveria Berisha e shpalli “puçist” Bamir Topin, por as nuk e çoi nëpërmend shkarkimin e Tij.
Qeveria Rama, Bujar Nishanin e konsideronte drejtues e “shërbëtor” të PD, por nuk e shkarkoi.
I pritën me durim derisa u mbaroi mandati.
As Berisha e Aliaj si presidentë nuk u shkarkuan, por u dorëhoqën me ndryshimin e situatës politike. Ndërsa Ilir Meta ju doli më i keqi vetëm sepse po tenton të shmangë një përplasje vëllavrasëse ndërmjet shqiptarësh. Pra, sipas Edi Ramës po bëre detyrën shkarkohesh!!!
Shkarkohesh virtualisht në kët rast, se as me gjykatë Kushtetuese në funksion nuk e shkarkojnë dot.
Nuk ju mjafton parlamenti monist dhe i blerë për të zbatuar “porosinë” e Elisës. Ta puthsha mendjen-i thonë kësaj sjellje!”
