Kryeministri Rama anulon prezantimin e Rakip Sulit në Kamëz.
Kreu i qeverisë Edi Rama, do të prezantonte sot në orën 17.00, kandidatin e Bashkisë së Kamzës, Rakip Sulin. Një gjë të tillë e ka prauar edhe vetë kandidati Suli përmes një statusi në Facebook.
“Të dashur bashkëqytetarë, mbështetës të Partisë Socialiste dhe mua si kandidat për Kryetar i Bashkisë Kamëz, dëshiroj t’ju informoj se takimi i planifikuar për sot do të zhvillohet në një moment tjetër për shkak të ndryshimit të axhendës së Kryeministrit tonë Edi Rama. Ju faleminderit për mirëkuptimin,” shkruan Suli në Facebook.
Kryeministri Rama pritet që të niset pasditen e sotme në Bruksel, ku do të takojë Mogherinin dhe Junckerin, ndërsa nga zyra e tij u tha se kjo vizitë ishte e planifikuar. Ndryshimi në minutat e fundit i axhendës në Kamëz, tregon se diçka ka lëvizur brenda socialistëve. Ky vendim i papritur vjen menjëherë pas deklaratës së Metës se ai do të vazhdojë të ndjekë vetëm Kushtetutën.
PS nis procedurat për shkarkimin e Metës/ Reagon Presidenti: Me qetësi…
