Pas mbledhjes së sotme, Partia Socialiste mori vendimin për të kërkuar shkarkimin e presidentit Ilir Meta të enjte në Parlament, pasi ky i fundit anuloi zgjedhjet vendore të 30 qershorit.
Por, deputeti i opozitës së re, Lefter Maliqi ka deklaruar hapur se nuk do të votojë për shkarkimin e Presidentit.
“Meta veproi mbi palët, do mbahet mend për veprimin si burrë shteti. Presidenti shmangu konfliktin dhe përlasjen civile. Nuk do e votoj shkarkimin e Presidentit. Presidenti bëri aktin më të mirë në shërbim të vendit”, – shprehet deputeti i PD-së Lefter Maliqi.
Ndërkohë Partia Socialiste ka nisur mbledhjen e firmave për shkarkimin e Presidentit. Duhen 35 firma për të iniciuar kërkesën për shkarkimin e presidentit.
