Përditësuar/ Shtyhet për në orën 14:00 mbledhja e thirrur sot nga KQZ e njoftuar për në orën 12:00.
Tjetër mbledhje e jashtëzakonshme, dekreti i Metës në KQZ
Komisioni Qëndror i Zgjedhjeve do të mblidhet sot në orën 12 për të diskutuar mbi vendimin e Presidentit për anulimin e datës së zgjedhjeve.
Mbledhja është thirrur nga nënkryetari i KQZ-së Denar Biba dhe anëtari Bledar Skënderi në mbështetje të nenit 22 pika 2 e kodit zgjedhor dhe pritet të shqyrtohet dekreti.
Ish-kreu i KQZ, Kristaq Kume, tha për Boldnews se në mungesë të Gjykatës Kushtetuese, mazhoranca nuk ka hapësira ligjore për të zhvilluar zgjedhjet e 30 qershorit, por as për shkarkimin e Kreut të Shtetit.
Sipas Kumes, menjëherë pasi deklarata e Presidentit të marrë formën e dekretit, KQZ duhet të ndërpresë punën për organizimin e zgjedhjeve të 30 qershorit.
