Kreu i opozitës, Lulzim Basha e ka cilësuar shtyrjen e zgjedhjeve të 30 qershorit, si fitoren e parë të shqiptarëve të bashkuar.
Ndërkohë ai ju ka bërë apel qytetarëve që të mos përdorin asnjë lloj dhune në protestën e sotme, pasi kjo sipas tij i shërben vetëm Edi Ramës.
“Gazeta BILD faktoi se Edi Rama është një kryeministër ilegjitim, se qeveria e tij është një qeveri ilegjitime, se pushtetin nuk e mori me vota por e mori me krimin dhe kriminelët, ndaj sot e gjithë bota e di se në Shqipëri sundon një qeveri e zgjedhur nga mafia dhe jo nga populli. Këto fakte tronditëse që shkundën të madhe e të vogël i kanë hapur sytë çdo shqiptari mosbesues, dhe i ka bërë të vërshojnë në këtë shesh të lirisë dhe shpresës dhe ndryshimit që po vjen për çdo shqiptar. Anulimi i procesit kriminal të 30 qershorit nuk është fundi i betejës tonë, nuk është aspak fundi i betejës tonë, është vetëm një rezultat i qëndresës së një populli të bashkuar për Shqipërinë si gjithë Europa. Vëllezër dhe motra ju bëj thirrje mos ndërmerrni asnjë veprim që dëmton protestuesit apo vëllezërit tanë me uniformë. KA vetëm një njeri që do dhunë dhe kërkon dhunë, ky është Edi Rama dhe banda e tij, por ai nuk do i shpëtojë as gjykimit të Europës dhe as gjykimit të popullit. Ndaj përsëris thirrjen time mos cenoni”, deklaroi Basha.
