Zbardhet dëshmia e 71-vjeçarit i cili u arrestua nga policia e Tiranës pasi u publikuan pamjet ku, ai shihej teksa abuzonte me një djalë të mitur të ura e Lanës në kryeqytet. Pamjet u publikuan nga emisioni ‘Stop”, dhe i moshuari i arrestuar shihej teksa puthte dhe prekte një djalë në vende intime.
“Nuk kam kryer marrëdhënie me djalin. Vetëm e kam prekur dhe puthur. Për ta afruar i kam dhënë herë pas here para. Jam penduar për veprimin që kam bërë. Kanë qenë moment dobësie.”, është shprehur ai.
I mituri është dërguar në spital për të bërë ekzaminimet e nevojshme të cilat vërtetojnë nëse 71 vjeçari ka kryer marrëdhënie seksuale apo jo me të. Për Klan Plus motra e minorenit është shprehur jashtë kamerave se kohët e fundit, vëllai i saj kishte ndryshuar sjellje.
“Filloi të vinte me vonesë në shtëpi. Ditët e fundit kthehej i bërë pis, madje kishte edhe diarre. Qëndronte i mërzitur. E pyesnim se çfarë kishte, por nuk na ka thënë asgjë. Ai është vetëm 11 vjeç, ndërsa zotëria me siguri e ka mashtruar me të holla. Ne jemi të varfër, nuk kemi asnjë mundësi ekonomike.”
