Dikur njihej si njeriu më i fortë në Britaninë e Madhe, por tani shqiptari Jimmy Marku, 44 vjeç, duhet të përgjigjet për akuzat për trafikun e shqiptarëve në ishull.
Ai fitoi në vitin 2008 konkursin e “njeriut më të fortë” në Angli
Marku akuzohet se ka bashkëpunuar në trafikun e shqiptarëve me Alex Sefolli, 39 vjeç si dhe vëllain e tij Jetmir Marku, 36 vjeç.
Kontrabanda e emigrantëve bëhej nëpërmjet Kanalit që lidh Britaninë me Evropën nëpërmjet një mjeti lundrues i quajtur katamaran 13 mijë paundësh.
Oficerët e policisë hipën në katamaran, të quajtur Fortunella, në Chichester Marina në maj 2016.
Ata gjetën 17 shqiptarë që u fshehën nën kuvertë, u tha dje në Gjykatën e Isleëorth.
Sefolli, nga Northampton kishte në pronësi një restorant “Tapas” dhe një seri kompanish ndërtimi përpara se të përfshihej në trafik pasi bizneset e tij falimentuan.
Australiani Stephen Jackson, kapiten i mjetit lundrues, ka pranuar akuzat.
Vëllezërit Marku, që jetojnë në Ealing, akuzohen gjithashtu për sigurimin e strehimit për emigrantët e paligjshëm midis 2014 dhe 2017.
Ndërsa Sefoli akuzohet për punësimin e tre emigrantëve të paligjshëm në shtator 2017.
Prokurori Christopher Amis tha se ata ishin ‘pjesë e një komploti të mirëorganizuar për të trafikuar 17 shtetas shqiptarë nga bregu francez në Mbretërinë e Bashkuar me anije në maj 2016.’
Vëllezërit Marku u kapën duke strehuar tre shqiptarë në mënyrë të paligjshme në shtëpinë e tyre në perëndim të Londrës, shkruan “Mail”.
Prokurori shpjegoi se Brit Jimmy Marku, i lindur në Jugosllavi, ka pranuar pjesën e tij në komplot për të kontrabanduar njerëzit në Britani të Madhe.
