Prej tre ditësh, mbi 50 familje në fshatin Floq të Korçës kanë mbetur në qiell të hapur pasi tërmetet e njëpasnjëshme shkaktuan dëme të mëdha në shtëpitë e tyre duke i bërë të pabanueshme.
Sot, banorët të cilët jetojnë në çadra ushtrie, janë vizituar nga kryeministri Rama, ku zgjodhi që median ta mbajë larg.
Një banorë ka treguar jo pa ironi se e priti Ramën tre orë në shi dhe se ishte dukur më i bukur se nga ekrani i televizorit
“Isha shumë i mërzitur se kisha tre orë në shi dhe po e prisja, u kënaqa shumë kur na erdhi sepse se besoja që ishte kaq i madh. Unë ia bëra kështu (ngre gishtat), se jam demokrat por ai prap më pushtoi. Na thonin se ishte i tmerrshëm por ishte dhe i bukur, se në televizor nuk duket mirë, duket kështu”.
Lidhur me premtimin e Ramës për dëmshpërblimet apo rindërtimin e shtëpive, banori tha: “Atje na kënaqi, tha se do ti bëjë shtëpitë, madje premtoi se edhe djemve beqar do t’ju gjente nuse, kështu tha po se sa do e mbajë premtimin se di”.
Një tjetër banorë tha: “Ai na premtoj se do ti bënte shtëpitë më të mira se sa i kishim, nuk e di sa do e mbajë fjalën.
“I tha një banori se po deshët ndonjë pikturë ua bëj që tani, ndërsa për shtëpitë na tha që do i bëjë shumë shpejt, me të pushuar shiu do fillojnë punimet”.
