Peter Tiede është reporteri i gazetës me tirazhin më të madh në Europë, të tabloidit të famshëm gjerman Bild, i cili prej disa muajsh shkakton një cunam të vërtetë në qeverinë Rama. Përgjime të drogës, krimit të organizuar, politikanë dhe biznesamena të infiltruar. Çdo gjë që shikoni dhe dëgjoni në filma, gazetari gjerman ka arritur ta zbulojë në Shqipëri e më pas ta servirë atë si një pjatë argjendi, e ftohtë duke qenë se jo pak herë, kreu i qeverisë Rama e ka akuzuar prestigjozen BILD si një media kazani.
Vetë gazetari Peter Tiede ka reaguar përmes një postimi në rrjetet sociale, duke theksuar se gjërat në Shqipëri, ku ai ka qenë i pranishëm vetë, nuk duken mirë. “Kam shkruar njëherë diçka për Shqipërinë. Isha vetë atje. Gjërat nuk duken mirë në atë vend të bukur“, shkruan Tiede.
“Shqipëria është shembulli kryesor i një vendi kaotik në duar gangsterësh: Për më pak se një vit, opozita është tërhequr nga parlamenti- në protestë kundër korrupsionit dhe blerjes së votave nga qeveria. Prej dy vitesh, vendi nuk ka një Gjykatë Kushtetuese- Kushtetuta e vjetër është shfuqizuar, e reja nuk është akoma në zbatim”, niste shkrimin për Shqipërinë në tabloidin Bild, gazetari Peter Tiede.
Dhe jo më larg se sot, pak para publikimit të artikullit me përgjimet e audiove në gazetën BILD, vetë gazetari ka publikuar shkrimin e tij të rradhës në rrjetet sociale Tëitter, aty ku ai ka pasur edhe më herët shkëmbi tiëtterash edhe me socialistët që e akuzonin për shpifje.
Ai ka reaguar shpesh herë edhe lidhur me deklaratat e deputetes Blerina Gjylametit, e cila edhe ajo gjatë muajit të kaluar nuk ka nguruar ta akuzojë atë si shpifës ku termi si media ‘kazani’ ka mbërritur deri në Gjermani.
