Kryeministri Edi Rama ditën e sotme ndodhet në njësinë numër 3 në Tiranë ku aty po pi një kafe me disa nga banorët e kësaj njësie. I pranishëm në këtë kafe është dhe kreu i Bashkisë së Tiranës Erion Veliaj.
Një nga banorët i ka pyetur për projektin e “Unazës së Re” për banesat dhe shpërblimet. Veliaj është shprehur se banorët mund të zhvendosen por qytetari e ka ndërprerë duke i thënë se i bie që banorët të fillojnë jetën nga e para.
Veliaj është shmagur në një moment duke thënë se këtë e ndjekim më pas si çështje. Qytetari ka ngulmuar për përgjigje. Menjëherë ndërhyeri Rama.
Biseda:
Qytetari: Kemi një problem me unazën e madhe, me banesat.
Veliaj: Ky është një nga segmenti do të vijojë, ose do të shpronësohen dhe të zhvendosen ose në banesat sociale.
Qytetari: Të marrësh një banor dhe ta çosh në Laprakë do të thotë që ai t’ia nisi jetën nga fillimi.
Veliaj: E ndjekim më pas këtë.
Qytetari: Një përgjigje do na duhej.
Rama: Në rat se kur janë me letra do të shpronësohen. Eksperienca te Unaza e re, ekzistojnë këto metodat e nxitjes së frikës së pasigurisë. Duhet bashkëpunim me njëri-tjetrin për të ecur edhe me projektin.
Veliaj: Askush nuk do të ngelet jashtë.
