Ish-deputeti demokrat Gent Strazimiri në një lidhje telefonike në emisionin ‘Tempora’ në RTV Ora u shpreh i bindur se opozita do të bllokojë procesin e votimit në 30 qershor.
“Jemi vetëpërjashtuar dhe do të bllokojmë një proces votimi dhe jo një proces zgjedhjesh.
Sistemi funksionon përmes zgjedhjeve të lira dhe të ndershme dhe jo përmes influencave kriminale. Përmes përballjes së alternativave dhe jo përmes influencave kriminale.
Jemi vetëpërjashtuar dhe i bëjmë nder vetes dhe vendit me këtë qëndrim. Të thuash sot që do të bëjmë votime demokratike, është njësoj siç thoshte Ramiz Alia në ’87”, tha Strazimiri.
Në vijim ai u shpreh se PS ka ndryshuar 4 herë emrin që nga viti 1941, njëlloj me emrat që ndryshonin deputetët dhe kryebashkiakët e inkriminuar që Edi Rama futi në Kuvend dhe i mandatoi si kryebashkiakë.