Analisti Lorenc Vangjeli, i njohur për qëndrimet e tij të majta, ka reaguar ashpër ndaj Ministrit të Brendshëm, Sandër Lleshi.
I ftuar në ‘Opinion’ Vangjeli ka deklaruar se Sandër Lleshi në mënyrë absolute nuk duhet të kishte bërë deklarata politike nga Spitali, pasi aty ‘Zot’ është vetëm mjeku.
‘Ministri ka bërë gabimin me të madh që ka shkuar në spital, në urgjencën e traumës, dhe mban deklarata politike. Mund të flasë kudo po jo në derën e spitalit. Mbret në spital është mjeku, jo policët, ministri apo civilë të tjerë, përfshi edhe ish-deputetë. Jane pamje që përsëriten çdo javë, rrethohet spitali dhe kemi të njëjtat situata’, deklaroi Vangjeli.