Në një turne që zhvillohet nga CONIFA(Konfederata e Federatave të Pavarura të Futbollit) në Armeni, pjesëmarrëse është edhe ekipi kombëtar i Çamërisë.
Pas u mundën 3-1 në ndeshjen e parë ndaj Abkazisë, ditën e sotme shqiptarët fituan pastër me shifrat 4-1 ndaj kombëtares së Artsakit, ndeshja e dytë në grupin A.
Fillimisht ishte Marko Van Basten Çema, i cili i dha epërsinë me golin e parë çamëve, me golin e shënuar në minutën e 58-të. Artsak barazoi shifrat në minutën e 84-t, por vetëm dy minuta më vonë ishte Mziu që i dha sërish avantazhin Çamërisë.
Gjeçi shënoi golin e tretë në minutën e 92-të, ndërsa teksa vendasit ishin totalisht në sulm, u gjet edhe goli i katërt për një trium mjaft me rëndësi. Ndeshjen e tretë dhe të fundit, Çamëria e luan ndaj ekipit të Sapmit, vendit të fundit në renditje, që deri më tani nuk ka marrë asnjë pikë, dhe kualifikimi për në fazën tjetër të turneut gjendet shumë pranë.
