Një aksident i rëndë është shënuar në Kukës para disa ditësh, ku si pasojë ka mbetur i plagosur rëndë një 15 vjeçar i cili ndodhet akoma në spital.
Autori i ngjarjes është larguar me shpejtësi, teksa policia ka bërë të mundur zbardhjen e aksidentit dhe ndalimin e personit përgjegjës.
Njoftimi i Policisë:
Kukës/Zbardhet aksidenti i ndodhur më datë 31.05.2019, ku një mjet përplasi një 15 vjeçar dhe u largua nga vendngjarja.
Ndalohet drejtuesi i automjetit si autori i dyshuar i ngjarjes.
Specialistët e Hetimit të Krimit dhe Policisë Rrugore në D V.P. Kukës, bënë të mundur identifikimin dhe ndalimin e shtetasit; I.H., vjeç 28, banues Bushat, Kukës.
Ndalimi i tij u bë pasi, nga veprimet hetimore dyshohet se ky shtetas më datë 31.05.2019, në fshatin Nangë, Kukës, me mjetin tip “Benz”, ka aksidentuar shtetasin F.P., vjeç 15, banues në fshatin Nangë, Kukës dhe është larguar nga vendi i ngjarjes. Si pasojë e aksidentit 15 vjeçari ndodhet në gjendje të rëndë shëndetësore në spitalin e traumës Tiranë.
Materialet për veprime të mëtejshme i kaluan Prokurorisë Pranë Gjykatës së Shkallës së Parë Kukës, për veprat penale “Shkelja e rregullave të qarkullimit Rrugor” dhe “Largimi nga vendi i aksidentit”.
