Ish-presidenti Bujar Nishani ka reaguar lidhur me protestën e djeshme të opozitës, ku mijëra shqiptarë kërkuan largimin e Edi Ramës si kryeministër.
“Populli opozitar gjithmonë e më i shumtë në numër vijon protestat masive kundër korrupsionit dhe vjedhjes masive qeveritare, e cila ka mbërritur në nivelet ku nuk ka ekzistuar kurrë më parë.
Populli nuk pranon të pajtohet me modelin ku krimi i organizuar komandon pushtetin politik, grabit atë ekonomik, blen atë mediatik, ku shteti është i kapur nga bandat dhe pushteti e kështu vendos drejtësinë në shërbim të bandave.
Regjimi përgjigjet me dhunë barbare! Populli nuk ndalet, ai nuk do të mundet dot të ndalet.
Avokatia dhe adhurimi për politikën e bërë njësh me krimin e organizuar, me pushtetin që paguan fobinë ndaj një populli të vjedhur deri në palcë po pakësohen çdo ditë e më shumë. Sakrificat kanë vlerë”, shkruan Nishani.
